Summerferie Salou 13.07.-22.07.2007

Party-Summerferie Salou 13.07.2007-22.07.2007


Mu mus sich das folgendermasse vorstelle… 5 Seisler-Party-Froue gänge zäme 10 Tage uf Spanie id Ferie…:-) das cha ja nume luschtig cho..:-)




U so isches o gsi. As het scho bim Ilade vo de Koffere agfange…2 vo üs hi natrürlich mau umi liecht z vüu mit gno…de Car-Chauffeur het scho gmint de Car sigi überlade..:-) so schlümm isches de aber glich nid gsi..wier si ohni problem bis uf spanie äi cho..:-)

Am erschte Abe simer ganz gmüetlich i üsers spetere Stamm-Beizli a feina Cocktail ga triche.. da wier vo üseri Reis so kabutt si gsi, simer de o mau ist Bett…! Am nächschte Morge simer de gmüetlich chli a Strand ga lige…U wär träffe wier dete.. 2 vo Düdinge…:-) Si si scho chli lenger dete gsi u hi scho as paar meh oder weniger hübschi Manne lehre kenne…:-) Aber das we jetz as z lengs gschüchtli wemu das aus würdi ufschribe…Säge nume so vüu, a Fernbeziehig uf Holland isch happig..:-) As isch jedefaus hölle gmütelich u luschtig gsi, nume hetmu leider nid so gmerkt wi sehr dases üs bet brätlet…am Abe himer de näi 2-3 Tomätleni ghäbe..:-) Geschehe nichts schlimmeres…:-)

Am 2. Abe simer näi mit de Ramona u de Alexa (Düdinge-Girls) on Tour gange...Aus erschts simer ist Snopey’s.. das isch so zümlich di bekannteschti Disco i de ganzi Stadt gsi.. Dete himer näi gmüetlich is truche… u wär chunnt da.. 2 vo Murte...:-) üsi CH-Gang isch auso fasch perfekt gsi..:-) Wier his zümlich luschtig ghäbe...nachumne wiili isches üs aber de dete lengwilig cho u wier hi no awe anderi sache wele ga aguge.. so himer uf de Strass ina vom Flash-Back troffe, 2 luschtegi Holländer wo dete a chli a spezielle Job ghäbe hi…:-) si hi üs nai mit i di Disco gno, so himer ki Itritt müsse zahle..wasmer irgend wie nie hi müsse…Seisler-Swiss-Girls si haut überau gärn willkomme…:-) Dete simer de näi as bitzli blübe bis es üs o dete isch verleidet…:-) so simer witer ist Bus-Stop...das isch aber so gar nid üsa Fau gsi…Auso simer Rückwärts umi usi.. u was stit vo usse… A Jeep vom Snopey’s…:-) das isch für üs natrürlich ki frag gsi.. wier wi unbedingt mit däm Jeep büm Snopey’s vorfahre..:-) U wi ier üs kennet himer das näi natürlich o chenne..:-) Nachere turbulente Fahrt his i üs diräkt vorem Igang usglade:-) u natürlich himer o dete ki Itrit müsse zahle..:-) So gäge di 5e ani simer de näi doch mau chli müed cho u si richtig Hotel gange…

Am nächschte Abe himer näi ini vo de gröschte Discos überhoupt entdeckt…(Z’ Tropical, aber bitte nid mitum Tropical z Grenchen verwächsle gället..:-)) Wier wüsse no hüt nid wiso, aber o dete simer dank anara ganz liebi Frou jedes mau Gratis i cho..:-) Si hi üs ifach gär di Spanier..:-) (wier si natürlich o.. :-) ) So gäge di 3e ani himer du näi plötzlich umi hunger becho… so simer de ganz Strand entlang zum MC glüffe..as isch zümlich unterhautsam gsi…:-) (Laurentia liebe Laurentia mein, wann wollen wir wieder beisammen sein, am Mooontag…:-) )

So mitti vo de Ferie simer mau umi i di Cocktail-Bar gange…aber niemer het igentlich so richtig gluscht ghäbe ufna Cocktail.. so himer haut a HOT CHOCOLATE pstöut..

So het de Lauras Salou-Affära agfange..:-) Statt a hot chocolate het si as Café mit chli chocolat-Sauce becho u mini isch chuat gsi… ja so epis giht natürllich gar nid… wier hi sofort de Servier-Boy zui pfüffe…:-) dä het vo däm ganze natürllich nüt wele wüsse..är isch liechters überforderet gsi…:-) nach as paar mau stürme himer de näi doch no beidi a HOT chocolate becho..:-) womer de näi hi wele zahle himer gseh, daser üs das komische gmix vo Café u chocolate glich het verrächnet… ja nei, das chas ja würklich nid si.. auso himer dä nätt Chällner haut no mau müsse la cho..:-) näi heter du de d närve so zümlich verlore, aber wier kenne ja üsi Laura, di het sich natürllich suverän us där Affära usi schliche u dä arm het näi d differenz säuber müsse zahle..! tja das chunnt haut devo wemu FR-Froue wott pschisse..:-) Us troscht heter du näi am 2 am Morge as Date mit de Laura wele..:-) wimer sia kenne, offe für aus, het si gsit, ja si sigi punkt 2 am Strand..natürlich isch si nid uftoucht u är het gwartet, u gwartet, u gwartet… u wenn er nicht gestorben ist, wartet er noch heute..:-) Da wier ja aber nid so si, simer defür näi jeda abe zu ihm is ga triche u är het umi chli mit de laura chenne flirte u isch überglücklich gsi u wier hi üs jeda abe sehr amüsiert..:-)

Nid z vergässe isch am Ändis Aktion am nächschte Abe büm z’Nacht..:-) Da wier ja am abe ging aus INBEGRIGGEN hi ghäbe, het z Ändi z’Gfüuh ghäbe a sigi würklich ALLES inbegriffen u het iras haube z triche düre Saal gschmiitzt…:-) Aber Ändi, kis Problem as mus dier nid Peinlich si..:-) as hets ja gar niemer gmerkt u guget het ersch rächt niemer… aber äbe epa so luschtig wi büm z’nacht isch näi de ganz abe gsi…:-) Si het denn irgendwie as Party-Hoch ghäbe.. :-) as isch emu sehr luschtig gsi .:-) Gau Ändi..:-)

Am nächste Abe si du näi nüme ganz alli so Fit gsi…:-) am haubi 2 si nume no d ste u i on Tour gsi.. u wär himer troffe, schomi di 4 vo Murte.:-) di hi ganz i de nöchi…(jaja Römu…) as Hüsi ghäbe u üs no zumene CARDINAL-BIER iglade.. da sit mu natürlich nid nei..:-) nach epa amana 15 Kilometer-Marsch u nachum Randaliere vo däne Spinner simer i däm gmüetliche Hüsli acho u hi üses Cardinal chene triche.. wo du de d Sunna umi isch ufgange, himer deicht, wier mechi üs langsam umi ufe wäg für him…da wier aber absolut ki ahnig meh hi ghäbe wo dedür himer haut as Taxi müsse näh..:-) Todmüed simer näi ist bett kiit…:-)

Am letschte Tag himer gsit, wier müssi doch no epis anders mache aus de ganz tag nume fuu am strand uma z lige.. so himer gsit wier mechi a fahrt mitem Banana-Boat.. sogar d Laura het iras ganza Muet zäme gno u isch mit cho..:-) si isch zwar chli zimlich bleich gsi womer wider am strand si acho, aber si hets überläbt… BRAVO Laura, wier si stouz uf dier..:-)









So i ha z gfüu i setti mau höre schribe..:-) As gebi no so vüu luschtegi Situatione, aber weni di allil wetti ufschribe de wereni nächscht Jahr no nid fertig..:-)

Froue, settegi Ferie müssemer mau umi mache, u Ändi deich dran, wier hi nume Halbpension ghäbe, das hisst as sich nid ganz aus im Priis inbegriffe..:-)

C.U Party-Party-People :-)